कञ्चनरूप । सप्तरीको हनुमाननगर कंकालिनी नगरपालिका वडा नं। ३ पोर्ताहामा विद्युतीय चार्जिङ स्टेसन सञ्चालनमा आएको छ ।
हनुमाननगर कंकालिनी नगरपालिकाका नगर प्रमुख विरेन्द्र माझी र नेपाल विद्युत प्राधिकरण कञ्चनपुर वितरण केन्द्रका प्रमुख अरुण कुमार साहले संयुक्त रुपमा हनुमाननगर कंकालिनी नगरपालिका वडा नं। ३ पोर्ताहामा विद्युतीय चार्जिङ स्टेसन उद्घाटन गरेका हुन् ।
उद्घाटन कार्यक्रममा आफ्नो मन्तव्य राख्दै नगर प्रमुख माझीले चार्जिङ स्टेसनको सञ्चालनले विद्युतीय सवारी साधनको उपयोगलाई प्रोत्साहन मिल्ने बताए । पेट्रोलियम पदार्थबाट सञ्चालित निजी र सार्वजनिक सवारी साधनलाई विद्युतीय सवारी साधनले प्रतिस्थापन गर्न सकिएमा भविष्यमा इन्धन र ऊर्जामा विदेशिने ठूलो धनराशी बचत हुने तथा व्यापार घाटा कम हुने उनको भनाइ छ ।
नगर प्रमुख माझीले भने चार्जिङ स्टेसन सञ्चालनले यस लोक मार्गमा हिँडने चार्जिङ सवारी साधन चार्ज गर्न लाई सहज भएको छ भने निकट समयमै पालिका भित्र पर्ने अर्को स्थानमा पनि चार्जिङ स्टेसन सञ्चालन गर्नको लागी पहल गर्ने बताए ।
वितरण केन्द्रका प्रमुख साहले जिल्लामै यो चार्जिङ स्टेसन दोश्रो भने निजी लगानीमा भने पहिलो भएको बताए । यस अधि ले सप्तरीकै कदमाहामा प्राधिकरणले सञ्चालनमा ल्याई सकेको बताए ।
विद्युतीय सवारी साधन चार्जिङ स्टेसनमा ६० किलोवाटका डिसी चार्जर जडान गरिएको छ भने चार्जिङ स्टेसनमा ६० किलो वाट क्षमताका दुई वटा फास्ट चार्जर रहेका छन् । यसबाट २ वटा सवारी साधन एक साथ चार्ज गर्न सकिने जनाइएको छ ।
करिव २५ लाखको लागतमा निर्माण सम्पन्न भएको सञ्चालक सौरभ अग्रवालले जनाए भने केही समय पछि अर्को ६० किलोवाटका डिसी चार्जर जडान गरी एकै साथ ४ वटा सवारी साधन चार्ज गर्ने सकिने सञ्चालक अग्रवालले बताए ।
अत्यन्त सुखद् खबर। धन्यवाद अग्रवाल सर।